Kuva aho ibitoro biburiye mu gisagara ca Bujumbura, haribonekeza ibintu bitahora biboneka. Ivyo navyo bikaba ari ibi bikurikira, imirongo y'akataroboneka y'imiduga itonze ku ma sitasiyo itonze irindiriye igitoro. Iyindi mirongo iribonekeza ku bituro vy'ama bus bimwe bimwe biri mu gisagara ca bujumbura. Tukaba twaciye aha hakurikira mu bice bigize kamenge kinama umurongo wa mbere uwusanga kuri terminus aho haba harindiriye abaja muri ville n'abaja kuri Bujumbura City Market bakunze kwita ka siyoni. Uwundi murongo ukaba uwusanga kw'isoko ya kamenge aho ntituvuze k'umugoroba imirongo usanga muri ville.

None ingaruka z'ivyo bintu ni izihe?
Bamwe mu bo twashoboye kuyaga batwiganiye ko ku banyakazi bigiye kubateranya n'abakoresha kuko batagishikira ku mwanya wategekanijwe. Abanyeshure nabo bahitamwo kuhatera ikirenge ku babishoboye narirya uburyo atari ikirenga kuri bamwe bamwe. Ariko bose ntibabona kumwe ivyerekeye iryo bura ry'ibitoro, bati vyoba biva ku ntambara iriko ihuza uburusiya na ukraine, abandi bati yamara yamara nibaduze igiciro kugira abanyamitahe baronke uburyo bwo kuja kurangura ikindi, none ka musomyi muhire nawe ubivuga ko iki?